humour

مش قادر نصوت

مرة قريت أن الأمم المتحدة بدال ما تحط ارقام ضحايا بس استخدمت صورهم، الحاجة هذي تخليك تحس بأن الشخص هذا إنسان كيفك و هكي تتعاطف معاه أكثر،
ومثال على هذا صورة الولد الكردي على شواطئ تركيا حركت العالم كله في صالح المهاجرين

نفس الحالة في الإنتخابات صورة الشخص تخليك تحط فيه ثقة اكثر تخيله إنسان أكثر و أقرب منك، بعد تلقى بوست بكل صفاقة يقولك

“حملات الإنتخابات تحولن لعرض جمال و البنات تحط في صورها”

انت تفضل أنهن يحطن صورة سودا بدال صورتهن لأنك سطحي و ماتقدرش تحكم دماغك و تختار شخص أنت مقتنع بيه و بالحاجات الي بيقدمها اذا فاز؟

بس هذا يعني أن المرشحين الشباب عادي يستخدموا صورهم و بناءا على الي ذكرناه فوق مرات يحصلوا ثقة الطلبة على أساس أن الشخص هذا يعرف شكله فهو يحسه حقيقي أكثر و اقربله، معناها تعطي فيه أفضلية على الباقي؟

رجاءًا حاولوا تلقوا هواية غير النساء، و التحرش بنساء و تحطيم ثقتهن، و هذي حطت صورتها و هذي شن دارت .. ارتقوا شويا بتفكيركم و بلا تفاهة و سطحية

‫#‏إنهاء_ظاهرة‬_الهجوم الإلكتروني_على_النساء

‪#‎sayNoToOnlineTrolling‬1111

Advertisements