متخليش صمتك يعطي الغير حافز انه يستمر في الإساءة

12459966_10205278881468178_482480030_n

#‏أفكار_تيد‬
لما تتصفح صفحات مواقع التواصل الإجتماعي دائما تشبح تعليقات في غير محلها , ناس تتسهوك او ناس تعلق بطريقة غير لائقة على موضوع . في أغلب الأحيان تفوت الموضوع وتنساه .

في الأيام الي فاتوا كان في تويت على التويتر يحكي على الي ” تعيط بحقوق المرأة ” واول ما تتزوج ” تشدها مطبخ ومناسبات” فدرنا شاير للتويت . اذا كان صاحب الكلام واثق ان كلامه صح , فمش حيكون عنده مانع انه ينداله شاير , واي شيء على تويتر مكتوب في مكان عام فعادي يعني. السبب وراء الشاير هو لاننا نريد إبطال ظاهرة ” المارة المتفرجين الصامتين”.

جت الفكرة بعد ما شفت فيديو على tedtalks يتكلم عن ظاهرة المارة المتفرجين . فكرة الفيديو بشكل مختصر :

في المجتمع و خاصة في ثقافة الذكور، الهدف هو جعل الرجال العاديين بتحدي الرجال الآخرين بعد يقولوا حاجات مسيئة، حتى المزاح يدخل في هذه الفئة . مرة ثانية تشوف شيء فيه نوع من الإساءة لأشخاص معينين او فئة معينة ارفع صوتك , لازم تخلي الشخص الي يستخف في دمه يعرف أن االمزاح هذا غير مقبول , وان أي حد تصرفاته مثل هذه التصرفات مش حنقبل بيها . الأشخاص الي يديروا في الأعمال هذي ناس عادية جدا , ممكن يكون حتى مواطن نموذجي . ولكن لما توضحله انه مكانته الإجتماعية في خطر لو كمل بهذه الطريقة وأنك مش حتقبل الحاجة هذي منه و في حدود ممكن حيتغير. كيف نتعاطوا مع الغير و نتيجة التعاطي هذا كلها متصلة ببعضها، كلها ثقافة نحنا محتاجينها.

جاكسون يبي يخلينا بذات الرجال يعترضوا و يصححوا لبعضهم معش يمشوا وخلاص. على سبيل المثال، إذا كنت رجل وكنت في مجموعة من الرجال تلعبوا في لعبة ، تحكوا ، من غير نساء حاضرات، ويقول رجل آخر شيئاً متحيز ضد المرأة أو مهين للمرأة، بدل ما تضحك و تزيد تبصر معاه أو ادير روحك ما سمعتش، قوله “هذي ما تضحكش ، يمكن تكون أختي الي تحكي عليها، احكي على حاجة تانية ؟ أنا مانحبش النوع هذا من البصارة “. إلى آخره.

متخليش صمتك يعطي الغير حافز انه يستمر في الإساءة لحد ثاني حتى لوّ كان الحد هذا مش موجود معاكم او كان الحد هذا مبدأ اكثر من أن شخص منفصل ديما احكي و خليهم يسمعوا صوتك.

• شن تشوفوا في الصورة المستخدمة؟ شن الرابط بينها و بين كلماتنا في نظركم؟
Artwork By Eric Fan

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s