أديل vs تايلور




من ونحنا صغيرات تعلمنا نقارنوا ارواحنا بالناس الاخرين، سواءً بنات الجيران، صاحبتك، اختك .. ديما تسمعي بنت فلانة دارت و دارت و انتِ ما تديري في شي. خلونا في منافسة ضد بعضنا كأنها حرب، وكبرنا و نفس الشي هذا كبر معانا.

 انتِ بروحك مجرد ما تمشي لمكان تلقي نفسك تلقائيا تقارني في روحك بوحدة اخرى، شكلها، لبستها، دوتها كأنها عدوك اللدود. حتى هكي داخليا تفرحي بعد تحكي لصاحبتك و تقولك “شينة هذي وانتِ احلى منها و ذويقة و مش كيفك” و تسمعي كذب اخرى اشكال و انواع و انتِ فرحانة طبعا، مجرد ماتسمعي الكلام هذا تتريحي كأنك انتصرتي عليها.
لوّ حققت اي وحدة اي نجاح تلقى روحك تقارني في نفسك بيها، شن درتي في حياتك لعند توا و تقولي محظوظة و انا نقدر ندير اكثر لكن حظي و ماعنديش واسطة و تبدا سلسلة التبريرات من الي حذاك و تنزلي فيها قرمة عشان تبردي على روحك شويا.
 لاحظتوا النمط؟ لاحظتوا في شن نديروا في أنفسنا؟ نعاملوا في بعضنا كأننا اعداء .. مش ديما يقولوا ألدّ اعداء المرأة هي نفسها؟  نحنا هكي تربينا في  مجتمعنا لازم يحطوا اثنين ضد بعضهن، ومانفطنوش الا ونحنا غارقات الحقد و المقارنات و الحروب النفسية. 
اكيدة سمعتوا أغنية اديل الجديدة Hello. اول حاجة لاحظتها بعد نجاح الأغنية الساحق في اخبار ياهو، صارت مقارنة دغري بينها و بين تايلور سويفت.
 كان تعلقيهم على نجاح أديل بـ” Taylor Swift, your move ” المقصود بيه هيا يا تايلور ورينا شن حتديري توا، كأنّ نجاح أديل حينقص حاجة من نجاح تايلور بمعنى  كان وحدة سمحة معناها انتِ مستحيل تقعدي سمحة في نفس الوقت كان وحدة نجحت مستحيل انتي تنجحي مع انه نجاح فرد مايأثرش على اي فرد اخر بطريقة سلبية.
 مشكلة المقارنة مش بس في متجمعنا، متوفرة في جميع المجتمعات الاخرى و انا نعتبر فيها اكثر حاجة مدمرة للمرأة و نجاحها. بمجرد ماتبدي في السلوك هذا صعب جدا توقفي و منها ينبع استحراق الذات و الأخرين.  نفس السفينة مستحيل تغرق إلا بعد تبدا المية تسربلها فأول حاجة معش نخلوا أي افكار سلبية تتسلل لنفوسنا عشان مانغرقوش. انتوا شن رايكم؟
Artwork By : Owen Gent 
Advertisements

One comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s