اتباع الجماعة و الخوف من المخالفة  



لطالما قاعدين عايشين في مجتمع يقدّس الأفكار الجاهزة بغض النظر عن منطقية مضمونها عمرنا ما حنعرفو معنى الإبداع، لان الإبداع عمره ما يجي عن طريق اتباع الجماعة و الخوف من المخالفة فقط لأنك واحد و هما هلبا حتى لو كنت انت في قرارة نفسك مش مقتنع بتيارهم! 

الأفكار الجاهزة الي يقدمها المجتمع للفرد و يستقبلها الفرد لا إرادياً و كأنه منوَّم مغناطيسياً مع الوقت حتتغير، أو ممكن الجماعة كلها تتغير و بالتالي الفرد يتبعهم، و لكن التغيير هذا مرات يجي متأخر و يجي بعد ما قتل كمية ابداع و خمد طاقات رهيبة. 

مش ديما الفكر السائد في المجتمع هو الصح و مش ديما هو الغلط، التوازن مهم فكل شخص المفروض يتبع أفكاره و يحلل الافكار الجاهزة و يأخذ منها ما يجده العقل منطقي و يتقبله و ما يخافش من تلويح الجزء الزايد منها، و هذا كله قبل فوات الاوان …

موقف 

“فاطمة من مواليد الستينات، من اول ما بدت مسيرتها الدراسية كانت تحلم بالدخول لكلية الطب و كان هذا هل بالنسبة ليها و تبي تجتهد و تقدم كل الي تقدر عليه باش تحقق رغبتها، جي اليوم الي تقدم فيه فاطمة للكلية و لكن البيئة الي كانت تعيش فيها فاطمة خلت خوها يرفض الشيء هذا و يرغمها على الدخول لمعهد ماليشي اي علاقة بالطب و بكل صرامة و جدية و (تسكير راس) يقوللها البنت يا تطلع أبلة يا تقعمز في الحوش، مافيش بنات يخدمو في المستشفيات، و فعلا تخرجت فاطمة و نجحت في مجالها و أصبحت أستاذة رياضيات ممتازة، مرت سنين و تزوج خوها و رزقه ربي ب3 بنات، الشيء العجيب ان البيئة تغيرت و التيار اختلف و خوها بطبيعة الحال تغير و أرغم بناته الكبار الزوز على انهم يخشو لكلية الطب رغم انهم ما يبوهاش…” 

هذا موقف حقيقي و فيه هلبا زي فاطمة من ضحايا الفكر الجاهز و اتباع التيار. 

الموقف المذكور ليس القصد منه الانتقاص من قيمة المعلم ولكن الغاية منه تسليط الضوء على موضوع مهم ممكن يصير لأي حد في أي وقت و أي مكان، ما تخليش حد يفكّرلك لان كل واحد عنده عقل بروحه، ما ترفض الفكرة فقط لكونها جاهزة و لكن حللها و خوذ ما تراه مقنع و ما تخافش من مخالفة التيار لأن هذه الطريقة الوحيدة الي تقدر تكون بيها مستقل و تصنع كل شيء بإرادتك الشخصية.

Advertisements

One comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s