نقاش عن الحواجز التي تواجه النساء

من خلال المنبر Positive Libya وMENA Women’s Platform

حصلت فرصة نتناقش و نشتغل مع مشروع نسائي في ليبيا، معروف بمشروع سيلفيوم.

حكيت معاهم على مشاكل واجدة، لكن اكثر وحدة قررنا نركزوا عليها هي المشاكل و العوائق الي تمنع في الليبيات من المشاركة في الحوارات السياسية، بأخص حوارات السلام في الأمم المتحدة، كلكم عارفين انه أغلبية الحضور ديما من برا ليبيا.

الواضح أنه في عوائق واجدة يواجهن فيهن الليبيات في الداخل، و أغلبيهن يتم تجاهلهن من المنظمين الي هم مفروض يبوا نساء يشاركن.

بعد سألنا مجموعة من النساء على صفحة مشروع سيلفيوم على فيسبوك  و صفحة زوجة رجل ليبي , لقينا أن المشاكل التي ذكرت هي كتالي :

1-واجد من الليبيات مايسمعنش بالمؤتمرات و المناسبات هذي. في العادة نفس الوجوه يدعوا فيهم بدون مايعطوا فرصة لآي حد أخر.

2- نفس الوجوه المتكررة ديما تحكي و تمثل في الليبيات.

3-في شريحة كبيرة من النساء ماتقدرش تسافر برا ليبيا، لمشاكل المطارات، العادات و التقاليد , لأسباب دينية بخصوص السفر بروحها، الوضع الأمني للبلاد خصيصا للموجودين في شرق ليبيا ( بنغازي و درنة ) و مشكلة الفيزا.

4-في واجد يحسن في أن  ارائهن مش مهمة و يعاملن فيهن على أساس “دوة نساوين” لذلك ماعمرهش حست بأهميتها أو شن ممكن تضيف للحوار.

5-قلة المشاركة الكبيرة على المدى السياسي خلت النساء يشكن في قدرتهن على المشاركة و اذا كان يقدرن يضيفن حاجة لآي حوار او نقاش.

6-في واجدات شافن أن الزواج ممكن يعيق المشاركة السياسية بسبب التوقعات لحياة النساء بعد الزواج. لكن في جزء قالن أن الطريقة الوحيدة الي يوصلن صوتهن هو عن طريق الزواج الي سمحلهن بحرية أكبر.

7-إطار التوقعات التقليدية و الدينية صعب انك تطلعي منه، خصيصا اذا مافيش دعم من العائلة.

8-نساء واجد يشعرن أنهن مش متعلمات كفاية عشان يشاركن في حوارات و مناظرات سياسية.

 الاسباب هذي عبارة عن الحاجات الرئيسية الي ذكرنهن النساء بعد ما سألنا

“ليش مافيش مشاركة نسائية أكثر من داخل ليبيا.”

الأكثرية عندهن منظور غير إيجابي للمشاركة في كيف البلاد ماشية. لأنهن يقولن أنه مش مهم شن رأيهن في الأخير الرجالة حيديروا الي يبوها.

لوَّ عندك آي إضافة لمشاكل و الحواجز الي يواجهن في النساء، أو اذا انتِ شخصيًا مريتي او مقتنعة باسباب المذكورة فوق رجاءًا شاركينا برأيك. كل وجهات النظر مرحب بيها واذا عندك فكرة لحلول كيف ممكن نتغلبوا على العقبات و نحققوا مساواة على الصعيد السياسي ياريت تساعدينا.

نحنا عارفين أن المشاعر و العوائق هذي مش مشكلة ليبية بس، لكن مشاكل عالمية متعلقة  بالمشاركة النسائية في  السياسية

اذا عندك رغبة تنضمي للمحادثة  تواصلي معانا عن طريق

@MENAWomensP  @PositiveLibya

Facebook : Mena Women’s Platform 

 * ملاحظة : هذه النقاط كانت نتيجة نقاش عام على صفحة في الفيس بوك وليست دراسة , اللآراء تعبر عن عينة من المجتمع وليست تعميم *

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s