مواهب ليبية : مقابلة مع مودة العبيدي

"The freedom dance"    العبيدي مودة

“The freedom dance” مودة العبيدي ، سكان مدينة بنغازي , طالبة معماري في السمستر الاول و العمر 19

لنك لصفحة مودة هنا : Mawadda Alobidy’s Gallery

كيف بدأتي ترسمي , كيف بدأت فكرة الصفحة ؟

الرسم وسيلة الهاء قبل ما يكون  وسيلة تعبير للإنسان و هذه كانت المفر متاعي من اجواء البلاد .

كما نعرفو ان الفترة الاخيرة الوضع الأمني كان متأزم جدا مع وقف الدراسة و اجواء الحرب دفعتني للرسم بيش نملى الفراغ الي حاسة بيه

من و انا صغيرة نحب الرسم و بالأخص كنت نحب نرسم شخصيات ديزني و الرسومات

و ماعمريش فكرت  نطور من روحي الي في خلال فترة الحرب

في البداية تميت نتابع في الرسامين و نجرب كل نوع رسم يقابلني

و طبعا  كل نوع يعجبني أكثر من الي قبله

و كل رسمة نرسمها نحس في الي قبلها كانت سيئة بطريقة تحشم

و هذا ما كانش دافع اني نسيب الرسم بالعكس  كان دافع ان نستمر لانه مع الاستمرار تطورت و التطور كان ملحوظ و كنت نفرح بكل حد يمدحني و لو بكلمة صغيرة كنت نفرح يوم كله

و هذا كان شئ إيجابي بالنسبة للمحيط السلبي..

لانه كل حد شجعني سواء بكلمة طيبه او بلايك او بحاجات ممكن انا ما عنديش علم بيهم

زادت علاقتي مع ناس واجدة  و تعرفت على ناس اكثر

و هذا زادني ثقة في نفسي و في رسوماتي  ..

و بالطبيعي لكل قصه جانبين و لكل حكاية ناجحة معرقلات كثيرة

ما هي العوائق الي واجهتك ؟

أنا كانت مشكلتي الاولى و الأساسيه نقص في الأدوات و الإمكانيات

و خاصة ان نوع الأدوات يساعدن واجد في الرسم و الإظهار بس هذا ما يمنعش اني نوقف رسم

فكنت نستخدم اي شي يقابلني  أدوات قديمة او جديدة

نصيحتك للبنات من خلال تجربتك ؟

اهم شي هي الرغبة و الطموح ,  كنت نحاول ان منحطش حجج قدامي او نقول لا مش حنقدر عليها ماعنديش أدوات تقدر ترسمها

لا بس كنت قبل ما نبدأ رسمة نقول هي واعرة بس نقدر عليها

و نفسيا و انا نرسم نتريح ..

و مع هذا كله انا عارفة انني في بداية مشوار طويل  جدال و ان مزالت هاوية و مبتدئة ، و انا نحاول بجميع الطرق و الإمكانيات نطور من ذاتي .

نصيحتي لأي انسان هي ان يتذكر ؛  ان بداية كل نجاح فشل ، و لو فشلت اليوم ، اليوم الي بعده حاول انك تنجح ..

و خلي الفشل متاعك رصيدك الخاص  من الخبرة وو بدون الرصيد مستحيل توصل لهدفك  ..

Advertisements

3 comments

  1. مودة بدون مبالغة و مديح من أحسن الشخصيات اللي تعاملت معاها في حياتي انسانة صادقة و طموحة و احسن حاجة انك لما أتعامل معاها ماتحسسكش انها “بنت” بالمعنى العَزلي و التمييزي للكلمة إنما انسان عاقل وخلاص،
    المهم لو بنكتب لعند بكرا مش حيسد ، و انا متأكد انه في يوم من الأيام المش بعيدة حتكون عالمية بطموحها و موهبتها و حيزيد شرفي أكثر بصداقتها.

    Liked by 1 person

  2. نوت: توجد احتمالية أن الكلام المكتوب في التعليق السابق مُغرض و مجرد تملّق للحصول على رسمة شخصية و الله أعلم.

    Like

  3. Am literally proud to say that you know me and I know you in person 😍
    Coz I’m so sure you gonna be a very famous in the near future 💫
    I wish you a happy life full with amazing success 🌟

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s