لا لإستغلال المزينات في ليبيا

في الايام الي فاتن كان في بوست في وحدة من المجموعات النسائية في فيسبوك على غلاء اسعار صالونات التجميل و سوء معاملتهن. في بلادنا النساء بصفة عامة مش مهتمات بآي حاجة خاطي صالونات التجميل و الميكياج، كان في رد فعل كبير بكل للحاجة السلبية هذي اكثر من  آي شيء اخر، في بيج جديدة“لا لاستغلال المزينات في ليبيا” دارتها وحدة في خلاص كم يوم وصلت لاكثر من 18 الف لايك و العدد في الزايد.

فرحنا بعد شفنا النساء كيف متضامنات مع بعضهن و يعطن في رأيهن بطريقة الشغوفة هذي حتى و لوَّ كان موضوع بسيط هكي. تابعنا البوست و البيج و قررنا نساعدوهن. حطينا سؤال شنو اسوأ صالون و كان في اسم طاغي في التعليقات. البيج بدأت بمقاطعة لاسوأ صالون حسب التصويت.beautychart

بعض من الصالونات المذكورة اسعارهن اكثر من 1000 دينار لمكياج العرائس ( 500 دينار لكل ساعة حتقعد فيها بالمكياج ). في صالونات ياخدن في 220 دينار لصبغة الشعر. الأسعار هذي مستحيلة بنسبة لراتب الليبي العادي.

 الهدف من المقاطعة هذي أن نخلوا الصالونات ينقصن في الأسعار و يحسنن المعاملة.

اذا عمرك مشيتي لصالون تجميل في ليبيا اكيدة في وحدة مرة عاملاتك بطريقة سيئة و خلاتك تحسي ان هن الي يدفعنلك مش العكس. بالمقاطعة هذي حنخلوهن يسمعنا و ياخذن الموضوع بطريقة جدية.

الخطوة الاخرى نخلوا الصالونات يعرفن ان في مقاطعة ضدهن بطريقة محترمة، لازم يتم الموضوع بإحترام عشان ياخذونا بجدية.

الخطوة الثالثة أن ننشروا القصة و البيج عن طريق الفيسبوك، تويتر حتى نشوفوا اذا في قنوات راديو يساعدن.  في ليبيا ديما حاصلين في الزحمة وكلنا نسمعوا في الراديوا واجد. في حد يقدر يساعدنا و يحكي على الموضوع في الراديو ؟ لازم تقعد مسألة رأي عام. اذا تشتغل في الراديو او تعرف حد في راديو يقدر يساعد ارجوك تواصل معانا.

بعد هذا كله، كيف نضمنوا أن النساء كلهن يقاطعن الصالونات المطلوب مقاطعتهن ؟

عن طريق القسم؛ بعد ما تقسم او تقطع عهد لقضية معينة في نسبة اكبر أنك تلتزم بالعهد هذا. لأنك مقدر أن في ناس معتمدين عليك. لذلك درنا قسم المقاطعة البسيط عشان كلنا نشاركوا فيها

ddddd

 الحاجة الاخرى أن نحاولوا نوفروا بدائل للمقاطعة هذي. اذا تعرفي آي مزينات تجميل يعاملن في الناس كويس و اسعارهن معقولة او تعرفي آي وحدة كويسة تجي للحوش ديري كومنت باسمها . ساعدينا بالبدائل عشان نوفروا قائمة باسم المزينات  عشان تكون قائمة بناءًا على رأي الأغلبية و ماتكونش دعاية لشخص اومكان واحد.

حل اخر انك تشري مكياج كويس وتتعلمي من النت . اذا ما فيش منك امل اكيد عندك اختك او صاحبتك او مرت خوك فالحة في الامور هيا . جيبيها تمكيجك وانت مستريحة في حوشك وفلوسك في جيبك . مش اريح هكي ؟

 نحنا الليبيات عندنا قوة عشان نديروا تغيير مش بس في اسعار المزينات بالذات بعد مانضموا روحنا ونقعدوا صف واحد لكن لسبب ما ديما ننسوا فيها.

اضافة هامة : احد المزينات بدأت بالرد على المقاطعة , سمعوكم و بدأ الخوف reply1

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s