الزوج شريك وليس منقذ

IMG_1763.JPG

كثير من البنات تعتبر الزواج حبل النجاة من الواقع الي عايشه فيه خاصة لو كان واقعها الاسري منعدم من الحوار .. معظم العائلات الليبية فاقده لثقافة الحوار بين البنت والاب او البنت والاخ تكاد تكون العلاقة بينهم مفطوعة الا من اوامر الطبخ او عمل دور الشرطي المفتش من قبل الاخ او المصروف من قبل الاب . الاخ دائما واخذ المكانه الساميه طبعا تم تنصيبه من قبل الام والاب الي مهما يدير هو صح و لما يغلط راجل ما يعيبه شي ولو غلط فى اخته عادي”خليها تتربي” ومصطلح “خليها تتربي” يندرج تحت منه اغلب اعمال التعنيف الجسدي للمرأه فى ليبيا ..وطبعا المساهم الاول في هذا التعنيف هما الام والاب .
و فيه نوع اخر من التعنيف الممارس بكثره جدا فى ليبيا هو التعنيف النفسي للمرأه من قبل ناس تعرفهم او ما تعرفهمش ..فمثلا في الاسرة من خلال المشاكل او كونها بنت وهمها للممات …وما يرحنش حد.. وملينا من جيب شيل .”.هذا من تناقضات المجمتع طبعا لا يبو يشيلوا ولا يخللوها استقلاليتها” ..او تسلط الاخ علي جميع قرارات الاخت من اللبس الي التخصص الدراسي واختيار الصديقات “طبعا الكثير حيفهمها غلط وحيرد امالا شنو يخليها علي حل شعرها و ..الخ ..فيه حاجه اسمها نصحية وبالتي هي احسن والي تندرج تحت ثقافة الحوار المفقوده طبعا” ..او من ناس ما تعرفيهمش صبايا فى فرح مثلا يهدرزن عليك…. يامينتي فلان ما عنده الا بنات ..سمعتي علي بنت فلان شن دارت ؟ ..وانواع التعنيف هذا يكون محفور جدا فى ذاكره البنت وخاصه لو تعرضتله فى مرحله مبكره من عمرها
والا فى مواقع التواصل الاجتماعي الي اي حد يكسد ويشح عقله من المواضيع المفيده يبدأ فى اسطوانة البنات دارن البنات حطن وتقليل من قيمة المرأه بشكل كبير وحصرها فى كونها انسان تافه سحطي خلق من غير دماغ اصلا وهذا موضوع اخر مستقل حنكتبوا عنه مستقبلا.
الكلام هذا كله من اظهار انواع العنف يخلي البنت فى حالة جفاف عاطفي حقيقي وتحاول تبحث عن عاطفة حقيقه تعوضها عن عواطف الاب والاخ الي غالبا وغالبا جدا مفقودة وتصبح البنت فى حالة البحث عن الحب او عن الزوج .. وتنظر للزوج علي انه المنقذ لها من الحياة الي هي عيشتها وتبني كلاحلامها عليه وطبعا فى الحالات هذي يكون الاختيار غير عقلاني ومجرد خلاص بس .. وتنصدم البنت انه زوجها انسان عادي وعنده اخطاء علي غير توقعاتها طبعا انه الفارس المغوار الي يبي ينتشلها من حياتها التعيسة ومنها تبدأ سلاسه جديده من الاسرة الليبية المنعدمة الحوار وكأنهم ناس مأجرين مع بعضهم فى نفس الحوش.
خلي عندك رأي يا عزيزتي الفتاه ما نقولكش تمردي علي هلك اكيده لا ..لكن ما تسمحيش لنفسك تكون مجرد ضحية اخرى من مجعمتنا المخلد للنسل الذكوري وقبل ما تفكري في الزواج انه حبل نجاة فكري انك تكمل الجزء الناقص من شخصيتك وافكارك قبل ما تكمليه بشريك حياتك
By : Joty Elbadri

ملاحظة : الصورة المرفقة لوحة للفنان الفرنسي هنري مارتن. تحت عنوان ” العشاق ” . الاسلوب : نيو-انطباعي او التنقيطي ( pointillism )

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s